“Seryoso ka ba? Inaanyayahan mo kaming magsimba at kumain sa labas pagkatapos?” alunignig ni Jesse kay Trevor habang nagmamaneho ito pabalik sa Manila gamit ang sariling kotse nito.
Napatingin ang binata sa labas dahil biglang umulan. “Oo naman. Ayaw mong magsimba?”
“Eh… Buddhist ako, namana ko sa Papa ko—although hindi ko talaga pina-practice. Si Mama ang Katoliko. I’m sure ang Katolikong simbahan ang ibig mong sabihin, ‘di ba?”
Nakita niya ang gulat sa mukha nito. “Gano’n ba? Hindi ko inasahan ‘yon, ah.”
“Well, wala namang masama doon. Sige,” pagpayag na niya.
“So, payag kang magsimba sa Katoliko?” ngiting paninigurado nito habang nagpatuloy pa rin sa pagmamaneho kahit sa napakalakas na ulan. Mabilis namang pinapalis ng wiper ang tubig sa windshield.
Tumango siya. “Oo naman. Nag-at
