“Ihahatid ko na kayo pauwi. Sabi ni Sarita nasa talyer ‘yong kotse mo, eh, ‘di ba?” alok ni Trevor kay Jesse.
“Ah, oo. Medyo faulty kasi ‘yong brake kaya pinatignan ko. Kaya lang sinabi ko kay Sarita na sabay na kami sa taxi. May tinawagan na nga yata siyang kakilala niya kasi agawan ngayon ng sasakyan diyan sa labas.” Nakaupo siya sa isang tabi habang nakakandong at nakayakap sa kanya ang anak na halatang napagod sa laro kanina at inaantok na.
“Oh, okay. Hihintayin ko na rin siyang bumalik. Baka kailangan mo ng tulong diyan. Mabigat na ‘yan para sa ‘yo, I’m sure,” anitong tinutukoy ang anak niyang pasulyap-sulyap sa binata pero namumungay na ang mga mata dahil sa antok kahit mga pasado alas siyete pa lang naman ng gabi. Katatapos lang ng kiddie party at halos lahat ay umuwi na at ilan l
