*CHAPTER 36*
"Allison… baby… nagugutom ka ba? May dala akong meryenda," sabi ni Mommy sa ‘kin. Naramdaman ko pa nang tumabi siya sa ‘kin at naupo rin sa kama ko. Kahit si Mommy lang ang narinig kong magsalita, pakiramdam ko may iba pang tao sa loob ng kwarto ko. Hindi ko alam kung tumalas ba ‘yung pakiramdam ko nang dahil sa pagkabulag ko o baka naman masyado lang akong nag-iisip nang dahil sa nangyari kahapon na pagpunta ni Cedrick. Pagkatapos nang nangyari kahapon, hindi naman siguro hahayaan ni Mommy na makabalik si Cedrick dito. Alam naman niya kung gaano ako nasaktan at nahirapan nang dahil sa ginawa ni Cedrick sa ‘kin. At hindi pa ba pruweba itong mga mata ko sa pagdurusang dinaranas ko ngayon dahil sa panloloko ng isang walang kwentang tao.
Hinawi ni Mommy ‘yung buhok ko, nginit
