*CHAPTER 33* ABBY
Muntik ko na siyang hindi makilala sa ayos niya. Mukhang hindi pa naligo, ang itim ng ilalim ng mga mata, ang gulo ng buhok at gusot-gusot ‘yung damit tapos amoy alak! Sa kaliwang kamay niya may hawak siyang bote ng alak at sa kanan naman baso na may laman pa. Umagang-umaga naglalasing siya?
Hindi talaga ako makapaniwala sa Cedrick na nasa harapan ko. Parang hindi si Cedrick, parang ibang tao. Malayong-malayo sa Cedrick o Paul na kilala ko na vocalist ng bandang kinahuhumalingan ko.
"Cedrick si Abby, kaibigan ni Allison,” pakilala ni Ian sa ‘kin kay Cedrick.
"Ahh… Ikaw pala si Abby… What do you want from me? Ayan si Ian o." Itinuro pa niya si Ian na nasa tabi ko. "Siya ‘yung gusto mo ‘di ba? Bakit ako ang iniistorbo mo? Wala akong panahon sa ‘yo." Tinalikuran niya ak
