Blade Ford-Morgan’s POV
Nandito kami ngayon sa aming kwarto.
Kasalukuyang mahimbing na natutulog ang aking reyna, at dahil hindi pa naman ako dinadalaw ng antok, pinili kong tahimik na bumangon mula sa kama upang hindi siya magising.
Marahan kong inayos ang kumot na nakatakip sa kanya bago ako tuluyang tumayo. Ilang segundo ko muna siyang pinagmasdan.
Napakapayapa ng mukha niya habang natutulog.
Parang isang anghel.
Ngunit ako lang ang nakakaalam na sa likod ng inosenteng mukha niyang iyon ay may isang reyna—isang babaeng kayang magpaluhod ng buong mundo kapag tuluyan nang bumalik ang lahat ng alaala niya.
Tahimik akong lumabas ng silid at nagtungo sa unang pintuan na madalas madaanan bago makarating sa aming kwarto.
Huminto ako sa harap nito.
Ilang sandali ko iyong tinitigan bago
