HINDI rin katagalan sa pagkuha nila ng daan sa pasilyo na iyon nakarating na ang hanay sa klinika na malapad ang pintuang malabong salamin. Pagkatayo ni Ima sa harapan bumukas na kaagad ang dalawang sara ng pintuang salamin, mabilis na nagsitago sa pader kasama ang pagsingaw ng kaunting hangin. Walang inaksayang sandali ang babae sapagkat tumapak na ito papasok kasabay ng dalagang si Tala.
Sa pagpasok niya kasama ang dalawang magkapatid hindi niya inalis ang tingin sa likuran ng dalaga kahit na nang makatayo sila sa loob habang nagtagpong muli ang ang sara ng pinto sa kanilang likuran.
Ibang-iba ang panloob ng klinika mula sa pasilyo sapagkat nabuhusan ang kabuuan niyon ng purong puti na para bang hindi mababahiran ng ano mang dumi. Walang ibang makikitang kagamitan sa loob kundi ang ap
