"Maligayang kaarawan, Roldan." Nakangiting bati ni Rosana sa kanyang kapatid. Iniabot niya ang perang tanging regalo niya rito. Hindi rin kasi siya sigurado kung nabasa ni Joaquin ang text niya rito na mamili kahit simpleng cake lang para sa kaarawan ng kanyang kapatid.
Naging masaya ang simpleng salu-salo ng pamilya ni Rosana. Alas singko na pero hindi pa rin dumarating si Joaquin, naghintay pa siya hanggang 5:30.
Maliwanag pa rin naman pero nagpasya ng umuwi si Rosana dahil kasama niya ang kanyang anak. Tuluyan ng hindi nakarating ang kanyang asawa, baka may kung ano lang na nangyari o emergency. Matapos makapag-paalam ay hinatid na nga siya ni Roldan hanggang sa gate ng malaking bahay.
"Sige na, Rosana. Pumasok na kayo at babalik na ako sa bahay. Salamat sa regalo." Masayang saad ni
