Hanggang sa nakabalik na sa kanyang hotel room si Andres ay hindi pa rin niya magawang kalimutan ang kakaibang pakiramdam kanina habang tinitingnan ang anak nina Rosana at Joaquin. Siguro ay dahil na rin sa katotohanang naiinggit siya sa mga ito.
Puwede ring dala ng galit dahil kung titingnan ang edad ng baby, malamang na hindi pa man sila tuluyang naghihiwalay noon ni Rosana ay pumayag na itong makipag-talik kay Joaquin.
Galit na naikuyom niya ang kamao kasabay ang pagngangalit ng kanyang mga ngipin. Marahas siyang tumayo mula sa pagkakahiga, gusto niyang sumigaw at magwala.
Sa inis ay pinili niyang lumabas muna ng building at magpahangin sa labasan. Doon na rin siya maninigarilyo at kung may maiinuman lang sana ng alak ay iinom na rin siya.
Sa paghahanap niya ay nakatagpo siya ng mal
