“ANONG sinabi sa iyo ng lalaking iyon?”
Kumibot ang noo ni Juliet. Bakit kung makapagtanong si Magus sa kanya ngayon ay parang nasa isang interogasyon siya? Kung makatingin pa ito ay para siyang may ginagawang masama. Na para bang may krimen silang ginawa ni Icoy.
“Wala ho Sir.” Patag niyang sagot.
“Kasasabi niya lang na may sinabi siya sa iyo tapos sasabihin mong wala?” medyo nakaangil nitong sabi.
Lihim nanaman niyang naitirik ang mga mata. Hindi ba puwedeng akin nalang iyon? Lahat nalang? Kailangan alam mo lahat?
At bakit ganon? Parang may kakaiba talaga sa tono nito na hindi niya mabigyan ng linaw. Na para bang may himig ng pagseselos ang mga salita nito.
Weh! Talaga Juliet? ‘Yang Magus na iyan? Magseselos? Kanino? Sa inyo ni Icoy? In your dreams baby! Pang-aasar ng isang panig
