“SIGURADO ka bang sasama si Sir Magus?” medyo naiinip ng tanong ni Lily sa kanya.
Tumango si Juliet. “Oo nga. Siya mismo ang nagsabi.”
Kasalukuyan silang nasa harapan ng villa at hinihintay ang kanilang amo. Limang minuto palang ang nakakalipas pero wala pa rin ang binata. Iyon ang unang pagkakataon na na-late ito sa oras. Hindi ito nahuli ni isang segundo kaya sa puntong iyon ay nainip na sila. Kasama niyang naroroon sina Aling Conching, Lily, Clara at Yuna. Si Mang Koko at Lito ay nauna na kanina pa gamit ang single na motor ng huli.
“Baka naman kaya iba ang pagkakaintindi mo?” nag-aalangang tanong nni Clara.
Umiling siya. “Hindi. Sigurado ako. Sabi pa niya, alas siyete. Sabihin ko raw sa inyo.”
“Parang hindi ako makapaniwala na sasama siya.” sabi ulit ni Lily. “E bihirang sumama i
