MAKALIPAS ang mahigit sampung minuto mula sa pag-alog-alog ng katawan ni Juliet sa pagsakay ng kabayo ay natapos din iyon sa wakas. Tumigil ang kabayo sa tapat ng isang malaking kubo at marahil ay isang kuwadra. Malayo palang sila kanina roon ay napapansin na niya ang hindi mabilang ng mga baka na nakakalat sa kalawakan ng lugar. Iyon ang unang pagkakataon na marating niya iyon. Bukod pala sa malawak na pataniman ng kung ano-ano ni Magus ay may malawak rin itong bakahan. May bakod rin na nakapalibot sa lupain kasama ang kuwadra na hinintuan nila na gawa sa kahoy.
Naunang bumaba si Magus. Susunod sana siyang bababa rito pero feeling niya ay susubsob siya kapag tumalon siya. o baka naman ay biglang tumakbo ang kabayo.
“A…e…”
Mukhang wala itong planong tulungan siyang makababa kaya kinuha
