“ABA… mukhang maganda ang kinalabasan ng paghahatid mo ng agahan kay Sir Magus ah.” Puna ni Lily sa kanya. Ang isa pang kasambahay sa villa. Mas matanda ito sa kanya ng tatlong taon. Habang si Clara ay kasing-edaran niya. “Nakangiti ka pa. Mukhang may magandang nangyari.” Panghuhula pa nitong sabi.
“Oo nga. Anong nangyari? Mukhang kinain ng amo natin ang inihanda mong pagkain niya ah.” si Clara. Kasalukuyang nag-aagahan ang dalawa.
Nakatingin ang mga ito sa pinggan na wala ng laman. Pa-suspense na ngumiti siya sa mga ito. “May maganda talagang nangyari.” Nangingiting sagot niya.
Namilog ang mga mata ng dalawa.
“Magkuwento ka na dali!” excited na sabi ni Clara.
Umupo siya sa isang bakanteng silya patalikod sa pinto papasok sa kusina at humarap sa mga ito. Busog na siya kaya hindi na
