AAAHHH…. Ang sarap-sarap ng pakiramdam ni Juliet. Para siyang nasa alapaap. Hindi. Mas masarap pa roon. Kung ganoon ang pakiramdam ng nasa heaven, marahil ay nasa heaven na nga siya. Para rin siyang nasa pinakamagandang paraiso na hindi matatagpuan sa mundo at sa mga kuwento o fairy tales lang makikita. Para siyang lumilipad sa gaan at sarap ng kanyang pakiramdam.
Ang lambot ng labi niya. Ang bango ng hininga niya. Ang tamis-tamis ng halik niya. Ang sarap niyang halikan at ang sarap niyang humalik. Mga salitang naglalaro sa isip ni Juliet habang magkahugpong ang mga labi nila ni Magus. Kung nananaginip man siya ay ayaw na niyang magising pa. Isang bagay na mukhang hindi siya pinakisamahan ng mundo dahil may narinig siyang malakas na pagpitik sa harapan niya.
Mabilis na nagmulat ng mata s
