EKSAKTONG alas dose ng hating gabi nang magising si Charity dahil tumutunog ang cellphone niya. Kakatulog pa lamang niya ay may nambubulabog na agad sa kanya kaya naman dagli ang pagtaas ng irritation level niya. At nang makita niya ang pangalan na naka-register sa screen niya ay lalo pang kumulo ang dugo niya. Halos wala pang dalawang oras ng ihatid siya ni Cash sa bahay nila, kaya naman ano'ng trip nito at kailangang tawagan siya nito sa oras na dapat ay mahimbing na natutulog na siya?
Pero ganoon pa man ay sinagot pa rin niya ang tawag nito. Ang tila nag-aalalang boses nito ang nahimigan niya sa pagsalita pa lamang nito ng "hello".
"Ano ba namang trip mo, Cash at oras ng mga aswang ay tumatawag ka?"
Hindi nito pinansin ang sinabi niya. "Nandito ako sa labas ng bahay niyo, Ch
