Sa isang parte ng araw na ito, mukhang matutuloy nga ang ipinangako sa akin ni madam deborah, na mangyayari nga na makikita ko si Orwa at ang tatay ko. Magkasama na kaming dala ngayon ni Madam Deborah sa kaniyang sasakyan. Kanina may gustong sumama sa kaniya na driver, pero ang sabi niya ay mas nais niyang kaming dalawa na lang muna ang magkasama ngayon at wala ng iba pa. Hindi naman na rin siya pinilit ng mga ito. Wala rin ang kaniyang asawa, mukhang nasa trabaho ulit ito.
Habang nagmamaneho siya, panay ang sermon niya sa akin. Sa kaniy ko masasabi na swerte ang mga anak niya, kahit na minsan nakakabingi ang boses niya at mga salita na parang paulit-ulit na lang din. Masasabi ko na ganito ang isang ina, na kahit nagagalit na siya, alam na kaagad na handa pa rin siyang magsakripisyo sa k
