"Betty!"
Isang sigaw na tila ba umangkin sa kabuuan ng karagatan nang bumaba kami ng bangka ni Orwa. Dahil sa boses na pamilyar sa akin,halos naman lumundag ang puso ko sa kaba. Ito na nga marahil ang muli naming pagkikita ng kaibigan ko. Hindi mapigilan ng puso ko na matuwa, lalo na at makakasama ko na muli ang kaibigan ko.
"Mag-iingat ka, baka madapa ka," saad ni Orwa, hinawakan niya pa ako sa braso, ngunit mas nanaig pa rin sa akin na gusto kong makita si Sunny. Napansin ko rin naman natumatakbo siya palapit sa akin, kaya kahit na mahirap ihakbang ang mga paa ko sa malambot at puting buhangin dito sa isla ng Capones, nagawa ko pa rin.
"Betty!" sigaw ko pabalik. Hindi naman nagtagal ay nagkalapit na rin kaming daawa, agad ko siyang niyakap ng mahigpit. Hindi ko na nais pang kumawal
