Matapos ang pangungulit ko kay Orwa ay pinayagan na rin niya akong pumasok sa trabaho. Noong una talaga halos iyakan ko na siya para lang payagan ako, mabuti na lang at nakita niya ring gusto ko talaga at naging maayos na ang kalagayan ko.
Pagpasok ko sa trabaho, wala ang kampon ng kalandian, Ang sabi sa akin ni Marga, hindi rad papasok ngayon dahil mukhang may shoot para sa magazine. Mabuti nga sa pagbabalik ko wala siya, baka kung anong sabihin niya sa akin. Mamaya totoong makipag-away na talaga ako.
Sinabi ko rin sa manager namin ang buong katotohanan kung bakit nga ba hindi ako nakapasok kahapon. Naawa rin siya sa akin at ang gusto niya ay bigyan ako ng ilang araw para magpahinga. Tinanong niya rin kung nagpunta ba ako sa doctor. Sinabi ko na lang na hindi ko gusto. Siguro ganito
