Ika-32 Kabanata - Pagpapaamin
Gustong tumalon ni Selena sa tuwa nang umagang iyon. Pasakay na kasi sana siya sa sasakyan ng mga Lemman na maghahatid sa kaniya sa eskwelahan katulad ng dati. Bigla lang dumating si Kiel at kinausap si Senyor Clenton. "Puwede po ba akong sumabay, Dad?" ang tanong ni Kiel sa ama. Singbilis ng kidlat ang naging pag-oo ni Senyor Clenton. Pagkatapos na sumakay ni Selena ay sumunod din si Kiel. Tatlo sila ngayon na nasa backseat—siya, si Kiel, at si Senyora Shiela habang si Senyor Clenton ay katabi ng driver. "Masaya ako na naging magkaibigan kayong dalawa," baling ni Senyor Clenton sa backseat. Ngumiti lang si Selena at si Kiel naman ay hindi nagsalita. Walang kaso sa kaniya na hindi umiimik si Kiel sa buong biyahe hanggang makarating nga sila sa eskwelahan. Ang importante kasi sa kaniya
- Writer
