Ika-45 Kabanata - Pangitain at Panaginip
SIRENIA Kasalukuyang nagpapahinga sina Haring Oler at Reyna Leya sa kanilang silid nang biglang mapansin ng reyna na tila dumidilim sa Sirenia. "Hindi ba't maliwanag pa lang dapat ngayon, Mahal kong Hari?" ang pagpuna ni Reyna Leya habang nakasilip sa labas mula roon sa kanilang silid. Napatayo naman sa ere si Hari Oler mula sa pagkakaupo sa isang malaki at kulay gintong upuan na halos kapareho lang ng laki ng trono nilang nasa pinakabulwagan ng Sirenia. "Anong nangyayari...?" may hinang tanong ni Haring Oler sa sarili matapos ding sumilip sa labas. Nagpasyang lumabas na sina Haring Oler at Reyna Leya. At kanila ngang napagmasdan na dumidilim ang buong Sirenia kahit na maliwanag pa lang naman dapat ng mga oras na iyon. "Mahal na Hari, Mahal na Reyna, tila may kung anong bumabagabag s
- Writer
