PUMASOK si Dana sa kwarto para tingnan kung tapos ng nagbihis si Franco at nakita niya ito na nasa harap ng salamin habang inaayos nito ang suot nitong long sleeves.
Humakbang naman siya palapit dito. "Franco," tawag niya sa pangalan nito.
Lumingon naman ito sa kanya. "Hmm?"
Lumapit siya dito hanggang sa nasa tapat na niya ito. "Tulungan na kita," sabi niya. Hindi naman na niya ito hinintay na magsalita. Sa halip ay tumaas ang kamay niya para ibutones ang suot nitong long sleeves. Nang matapos ay inayos din niya ang medyo magulo na kwelyo nito.
"Thanks," wika naman ni Franco sa kanya nang matapos siya.
Isang ngiti lang naman ang isinagot niya dito. "So, tara na?" mayamaya ay yakag na nito sa kanya.
Tumango naman siya. "Oo," sagot niya.
Pupunta kasi silang dalawa ni Franco sa
