LUMABAS si Dana sa kwarto niya. Pagkatapos niyon ay naglakad siya patungo sa kusina nila. Pagdating niya do'n ay agad siyang lumapit sa fridge at binuksan iyon para kunin ang gusto niyang kainin. Nagki-crave kasi siya ng grapes iyong seedless. Nagbaba lang si Dana noong biglang sumagi sa isip niya na kumain niyon.
Pero hindi niya napigilan ang mapasimangot nang makitang wala siyang makitang grapes sa loob ng fridge nila. Akala kasi niya ay may natira pa siyang grapes do'n. May iba pa namang prutas na naroon pero ayaw niya nang ibang prutas. Ang gusto niyang kainin ay grapes wala nang iba. Mukhang iyon kasi ang gustong kainin ng baby niya ngayon. Nitong nakalipas na araw ay napapansin ni Dana na dumadalas ang pagki-crave niya ng mga pagkain. Wala na nga siyang ibang ginawa kundi kumain na
