"BAKIT ikaw ang pumunta dito? Where's Manang Luming?" nakakunot ang noong tanong ni Franco kay Dana nang makita siya nitong pumasok sa kwarto na inuukupa nito sa sandaling iyon.
Tumikhim naman siya. "M-may ginagawa pa kasi si Manang Luming. Ako na lang ang nag-presenta," sagot naman niya kay Franco habang nakatingin siya dito.
Pinatawag kasi ni Franco si Manang Luming. Kapag may kailangan kasi ito ay si Manang ang pinapatawag nito. Nagkataon na may ginagawa pa si Manang Luming noong ipatawag nito kaya prinesenta niya ang sarili, wala naman siyang ginagawa. Pero sa totoo lang ay gusto niya itong makita. Blessing in disguise na din na busy pa si Manang.
"I want Manang Luming," wika nito sa kanya, pasimple naman niyang iniwas ang tingin dito para itago ang sakit na bumalatay sa mata niy
