DALAWANG araw pang nanatili si Franco sa ospital hanggang sa tuluyan na itong ma-discharge. At sa dalawang araw na pananatili nila sa ospital ay hindi siya nito kinakausap, tanging mga magulang at si Trevor lang ang kinakausap nito.
Nasasaktan naman siya sa pambabalewala nito sa kanya pero tinitiis niya. At kahit na hindi siya nito kinakausap ay hindi pa din siya umalis sa tabi nito. Halos hindi niya ito iniwan. Gusto kasi niyang iparamdam dito na nasa tabi lang niya ito kahit na sinasabi nito sa kanya na hindi siya nito kailangan.
Kinausap din siya ni Mama Farrah na tatagan niya ang loob niya, na huwag siyang sumuko. Babalik din daw sa dati si Franco. Pareho din ang sinabi ni Mama Farrah at Trevor sa kanya. Nasasabi lang daw ni Franco ang mga iyon sa kanya dahil hindi nito matanggap a
