“Magselfie ka na, isama mo ‘ko,” sabi ni Knoxx sa akin habang naglalakad na kami pabalik ng Company.
Tuwang-tuwa kasi ako sa bagong bili ko na cellphone, ang ganda at ang mahal din ng presyo. Akalain mo ‘yon para sa isang hi-tech na phone ay kailangang gumastos ng halos eighteen thousand pesos? Ilang buwan na budget sa pagkain na namin ‘yon sa probinsya ah.
“Ano ka, swerte? Mags-selfie ako rito pero hindi ikaw ang isasabay ko. Hindi naman sa ‘yo galing ang pinambili ko nito.” reklamo ko sa kaniya. “Grabe, ang ganda-ganda talaga nito.”
“Ako naman ang sumama sa ‘yo.”
“Ay! Kahit pa, hindi counted ‘yon.”
“Kahit kailan ka talaga!” Akma pa ako nitong aambangan, kung hindi lang dahil sa biglang usapan na narinig namin nang patungo kami sa elevator ay hindi siya matitigilan.
Pinakinggan ko
