"H-HUNTER?" dismayadong turan ni Pipay nang tuluyan niya ng makita ang kaniyang panauhin na naghihintay sa kaniya sa sala. Gayo'n pa man ay dahan-dahan siyang naglakad papalapit dito. "A, a-ano'ng ginagawa mo rito? Paano mong nalaman na nandito ako? Ikaw lang ba ang pumunta rito? Wala ka ba ibang kasama?" sunod-sunod na tanong ni Pipay.
"How are you?" sa halip ay tanong sa kaniya ng binata. "How was your baby?"
"Okay naman kami. Maupo ka muna! Gusto mo ba ng pagkain or—"
"No, thank you!" pigil nito sa iba pang nais sabihin ni Pipay sa kaniya. Nagpakawala pa ito ng malalim na buntong-hininga. "Actually, nagpunta ako rito kasi may gustong kumausap sa `yo. Sinamahan ko lang siya papunta rito." anang Hunter.
Muling sinalakay ng kaba sa dibdib niya si Pipay nang madinig niya ang mga sinabi
