KAAGAD na napabalikwas si Hada mula sa hinihigaan niyang matigas na papag nang biglang may bumuhos sa kaniyang malamig na tubig. Pumupungas pa siyang ipinilig ang ulo.
“Gising na señorita.” Anang Adriana. “Mukhang napasarap ata ang tulog mo ah? Well, mabuti na rin iyon at mayroon kang lakas mamaya sa larong gagawin natin.” Dagdag pa nito at sinabayan na rin ng nakakalokong tawa.
“I-ikaw po?” kunot noo na tanong niya habang pilit na inaaninag ang babaeng nasa harapan niya. Malabo ang kaniyang paningin dahil wala ang kaniyang salamin. “M-ma’am Adriana? Bakit po ako nandito?” tanong niya habang unti-unti ng sinasalakay nang kaba ang kaniyang dibdib. Mayamaya ay muling sumagi sa kaniyang isipan ang mga nangyari kanina. Habang pauwi sila ng kaniyang tatay galing sa ospital kasama ang mga tauh
