PAGKALABAS ni Hada sa kanilang bahay, kaagad na nahagip ng kaniyang paningin ang kaniyang asawa na nasa bahay-kubo at nakaupo sa mahabang upuan. Natulala sa kawalan habang may hawak-hawak itong tasa ng kape.
Kalilipat lamang nila kaninang hapon sa bago nilang bahay. Pagkauwi nila sa Paraiso, galing sa Maynila ay doon na agad sila tumuloy. Nagpunta rin naman doon ang kanilang mga magulang para samahan sila sa unang araw ng paglilipat-bahay nilang mag-asawa.
Naglakad siya palapit sa kinaroroonan ng kaniyang asawa. Mukhang malalim nga ata ang iniisip nito kasi hindi manlang naramdaman ni Cohen ang paglapit niya rito. Kung hindi niya pa ito hinawakan sa braso, hindi pa niya makukuha ang atensyon nito.
Gulat na napalingon sa kaniya si Cohen.
"Okay ka lang ba mahal ko?" tanong niya sa kani
