“This is really good!” biglang papuri ni Malcolm sa niluto ko habang ngumunguya. Hindi ako agad nakapagsalita at kumunot lang ang noo.
“Ano ba talagang trip mo, Malcolm?” hindi ko na natiis na tanungin.
Simula kasi nang dumating kami rito, sobrang bait niya lang sa akin. Hindi siya sumisigaw, banayad lang din siya makipag-usap at walang pagsinghal. Naguguluhan ako kung ano talaga ang binabalak niya sa akin.
“What? Masarap naman talaga itong luto mo, ah,” pabalewalang sagot niya.
Marahas akong nagbuga ng hangin saka ibinaba ang kutsara at tinidor ko.
“Obviosly, may binabalak ka na namang masama kaya nagbabait-baitan ka ngayon. Huwag ka nang magpanggap, hindi bagay sa iyo,” inis na saad ko.
Ako pa ba lolokohin niya, sa dami na ng ginawa niya sa akin? Pero napakagat ako sa pang-ibaban
