An Hour Before Going to the Battlefield
“P-Pinuno!” gulat na wika ni Zeniya nang biglang lumitaw sa kaniyang harapan ang pinuno ng Sorcerer Tribe. “A-ano po ang ginagawa niyo rito?!” naguguluhang tanong nito.
“Nakausap mo na ba siya?” tanong ng kanilang kinikilalang pinuno o mas kilala rin bilang Cyan na tawag ng kapwa niya pinuno mula sa ibang tribo.
“Sino pong siya?” kunot noong tanong ni Zeniya kayaʼt marahang lumapit si Cyan sa tabi nito at naupo sa bench.
Mag-isa lang na nakaupo si Zeniya sa may hardin. Nagtutungo lagi siya roon upang magpahangin at mapag-isa. Iniisip kasi nito kung anong maaaring mangyayari sa pagsusulit na mayamaya rin ay magsisimula na. Ni hindi niya pa rin alam kung anong kakayahan mayroon siya o kung mayroon ba talaga siya kahit ordinaryong tao lang siya
