Wala pa rin sa sariling nakatitig ang dalawa sa katawan ni Zeniya. Ni hindi nila alam na ganito pala magtatagal ang kondisyon ni Zeniya mula sa kaniyang mahimbing na pagtulog.
Kanina lang ay bumalik na ang pulso ni Zeniya ngunit kanina pa ring hindi siya nagigising. Halos palubog na rin ang araw kaya’t hindi sila sigurado kung magigising pa ba si Zeniya o hindi. Tila binigyan lang sila ng pag-asang mabubuhay ito nang bumalik na ang pulso nito ngunit parang balewala iyon dahil hindi pa rin siya nagmumulat ng mata.
Nasa loob ngayon sila ng bahay ni Cerise. Maluwang ang kabahayan nito at yari sa bato ang dingding. Kulay rosas din ang buong paligid dahil sa kulay ng dingding pati ang mga kasangkapan na makikita sa loob na ganoon din ang kulay.
Sa isang kwarto ay nakahiga sa isang kama si
