CHAPTER 65
MR BELFORT POV
Habang abala ako sa mga papeles sa mesa, paulit-ulit kong iniikot ang ballpen sa daliri ko, pero kahit anong pilit, hindi ko magawang mag-focus. Ang utak ko, para bang pinipilit bumalik sa iisang tanong: Kumusta na kaya si Hazel? Simula nang mangyari ang aksidente, para bang may kulang sa bahay. Tahimik. Walang amoy ng nilulutong almusal sa umaga, walang boses niyang masigla na bumabati sa lahat. At ang kambal… halatang umiiwas sa akin, parang may itinatago rin sila.
Napasabunot ako sa buhok ko, pilit nilulunok ang bigat na bumabalot sa dibdib ko. Isa pa, hindi ko pa rin alam kung paano sasabihin sa mama ko na… ang katawan ni Georgelyn—ang asawa kong matagal nang patay—ay nasa loob ng bahay namin. Hanggang ngayon, tila bangungot pa rin ang eksenang iyon sa libr
