NAPAKUNOT ang noo ni Robert nang makita ang gray na kotse na nakaparada sa labas ng gate nila. Alam niyang kay Jade iyon, noong isang araw ay gamit din iyon ng babae nang magpunta rito para sunduin ang kapatid niyang si Cassie. Mahigit dalawang linggo pa lang na nagkakakilala sina Cassie at Jade ay naging malapit agad ang mga ito sa isa’t-isa.
Pagpasok niya sa front door ay agad niyang nakita si Jade na tahimik na nakaupo sa sofa. “Hi,” bati niya rito.
Napatingin sa kanya ang dalaga. “Hi. Hinihintay ko lang si Cassie,” anito na nginitian siya.
Humakbang siya palapit sa dalaga. Bahagya siyang napakunot-noo parang may kakaiba sa babae ngayon. Ilang segundo rin niyang pinagmasdan ang babae na nakatingin rin sa kanya. Alam na niya kung ano ang kakaiba kay Jade, ang ayos nito. Walang make
