CHAPTER 48
KABADONG-KABADO si Eloisa habang nakatingin sa laptop. Inaayos na ni Iñigo ang flashdrive doon dahil titingnan na nila kung ano man ang laman niyon.
Lumingon pa muna sa kaniya si Iñigo. "Ready ka na?" tabong nito.
Huminga siya nang malalim saka mahigpit na sinara ang mga palad. "Oo," aniya.
Ilang sandali pa ang dumaan, ilang click ang narinig ni Eloisa ngunit biglang nag-error. May lumabas sa screen na nangsasabing kailangan ng password upang mabuksan ang mismong flashdrive.
Nakakunot ang noo ni Iñigo nang sulyapan siya. "What's this?"
Mas lumapit siya sa lamesita kung saan nakalagay ang laptop. "Ano raw? Password?" Hindi siya makapaniwalang tumingin sa binata.
Halata naman kay Iñigo na dismayado ito dahil hindi nila mabuksan ang bagay na siyang sagot s
