CHAPTER 43
TAHIMIK LANG na nakatanaw sina Yvette at Apple sa pag-uusap ni SPO1 Vega at Ziggy. Pareho silang curios sa resulta ng autopsy ni Lola Lorna pero hindi naman nila magawang makisali sa usapan dahil kailangan nilang mag-asikaso ng mga bisita. Isa pa ay hindi naman kailangan ng presensya nila sa ganoong usapin dahil wala rin naman silang alam sa ganoong bagay. Kahit gustuhin nilang makiupo sa mga iyon at makinig lang ay wala rin silang maiintindihan.
Sa pagtingin ni Yvette kay Apple, may kung anong pagkailang siyang naramdaman para sa kailangan. Siniko niya ito ng mahina. “Huy! Okay ka lang?” tanong nito.
“Ha? O-oo naman.” Nag-iwas ito ng tingin sa kaniya saka pasimpleng tumanaw sa dalawang lalaking seryosong nag-uusap.
Naningkit ang kaniyang mga mata habang tinitit
