Chapter 18
GINAWA KO ang usual routine ko sa umaga. Nagluto muna ako ng umagahan pagkagising at nagwalis ng bakuran habang naghihintay na maluto ang sinaing. Ala cinco pa lang ng umaga kaya naman medyo madilim pa ang paligid. Maagap ang pasok ko ngayon kaya gumising ako nang maaga.
"GABRIELLA!"
Narinig ko ang nanggagalaiting boses ni Auntie kaya dali-dali akong tumakbo papasok ng bahay. Nadatnan ko siya sa kusina na inaayos ang sinaklang kong kanin kanina.
"B-Bakit po, Auntie?"
"Babakit-bakit ka pa d'yan. Itong sinaing iniwan mo kanina pa umaawas ang sabaw. Akala ko tuloy nasusunog na, iyong tapon lang pala ng kanin. Naaabala tuloy ang tulog ko. Alam mo namang gabing-gabi na ako nakauwi sa trabaho ko sa Call Center."
"Naku pasensya na po, Auntie. Nagwawalis po kasi ako sa labas tap
