•Eychan•
Napatigil ako sa paglalakad nang biglang hinila ni Thunder ang kamay niya sa pagkakahawak ko. Mabuti na lang at nasa parking lot na kami at wala ng mga taong nakatingin sa amin.
Kunot-noo ko siyang nilingon dahil hindi ko alam kung bakit niya ginawa iyon.
"Bakit, Thunder?" tanong ko sa kanya.
"Sana hindi mo na lang iyon ginawa, Ali," Dismayado niyang saad. Kaagad ko naman siyang tinaasan ng kilay dahil hindi ko nagustuhan ang sinabi niya. "Hindi mo sila kilala—"
"Kung hindi ko ba sila kilala dapat lang ba na apihin nila tayo?" inis kong sigaw sa kanya. Naiinis ako dahil alam kong iyon ang pinupunto niya, ngunit ilang saglit lang ay natigilan din ako at napatango. "Let's go home," mahina kong saad at sumakay na sa kotse nito.
Wala kaming imik na dalawa habang nasa byahe, buko
