NAGULAT na lamang si Olga nang makita niya na nakawala na si Lucy sa pagkakatali nito. Susugurin niya sana ito ngunit naging mabilis ang pagkilos ni Lucy. Kinuha nito ang bangko na pinagtalian dito at inihampas sa kanya. Nakaiwas naman siya pero natamaan pa rin ang kanyang kaliwang braso!
"Ahhh!!!" hiyaw niya nang maramdaman niya ang sakit. "Papatayin kita!" sigaw pa niya at muli niyang sinugod si Lucy.
"Hindi ako makakapayag!" ganting sigaw naman ni Lucy.
Nang malapit na siya kay Lucy ay sinipa naman siya nito sa kanyang puson. Dahilan para tumalsik siya at bumalandra siya sa may pintuan. Namilipit siya sa labis na sakit. Wala siyang ideya kung paano nakawala ito. Halos hindi na siya makagalaw dahil sa malakas na pagsipa sa kanya ni Lucy. Bigla siyang nanghina.
"Lucy, tulungan mo ako!
