Nagsimula akong naghanap sa paligid lang ng bahay ko. Kasama ko si Lumen ngayon dahil tulad ni Chexter ay hindi rin ito sang-ayon sa pagtulong ko.
Nairita ako kay Lumen noong una pero napagtanto kong kakailanganin ko din siya sa gagawin ko. Paano kapag inatake ako ni Arturo? Sino ang sasagip sa akin?
Masyado na akong nasanay sa mga back-up enforcer. Ni ang natutunan kong self defense sa pag-aaral ko ay nangalawang na yata at hindi ko na alam kung paano iyon tutugunan sa mga delikadong sitwasyon.
Tahimik lang kami ni Lumen. Nakasuot kami ng disguise para kung sakaling makasalubong namin si Arturo ay hindi niya kami makilala.
Nagsuggest ako kay Lumen na maghiwalay kami ng landas para mas malawak ang coverage ng paghahanap namin pero ayaw niya. Nakasunod lang siya sa akin, na animo'y body
