Tuwing pipikit ako, naaalala ko ang nangyari. Ramdam ko pa din sa loob ko ang kilabot at takot na bumalot sa aking katawan. Hindi ako makatulog dahil naiisip ko ang nangyaring iyon.
Nagpakita sa akin kagabi si Arturo at balak niya kaming patayin ni Lumen. 'Yon ang sabi niya at 'yon ang huling naalala kong sinabi niya bago siya umalis.
Pagmulat ng mata ko ay si Lumen ang agad na naisip ko. Hanggang ngayon ay hindi ko pa sinasabi sa kanya ang nangyari. Nang nagtanong siya sa akin ay hindi ako kumibo. Ngumiti lang ako kahit pakiramdam ko'y nararamdaman niya ang panginginig ng katawan ko kahapon.
Naramdaman niyang may something. Nang pagpasok namin sa bahay, nagtanong agad siya.
"Ayos ka lang ba? May nangyari ba? Ba't ka namumutla?"
Ayaw ko mang maglihim sa kanya pero sa oras na 'yon ay w
