"Ganoon ba?" Tanong ko rito at ngumiti nang mapait. Ayaw ko na sana siyang makausap kasi ayaw ko talaga sa mga mahahangin na tao. Hindi ko talaga alam kung bakit kailangan niya pa guluhin ang buhay namin ni Elfrida. Lumalayo na nga kami sa gulo pero mukhang lalapitan na naman kami nito dahil sa ginagawa niya. Alam niya naman siguro na halos lahat ng babae dito sa loob ng paaralan ay baliw na bali sa kaniya, ano? Alam niya naman siguro na masamang tingin na ang pinupukol nito sa aming dalawa ni Elfrida? Kung hindi niya alam ay sigurado na akong sarili lamang nito ang kaniyang nakikita.
"Siguro ay hindi ka na naman sasaktan ni Minerva simula ngayon," sambit nito at ngumiti, "Susubukan ko siyang kausapin para tigilan ka na niya."
Napakunot ang aking noo dahil sa kaniyang sinabi. Ano naman s
