Hindi ko na lang pinansin ang sinabi ni Elfrida sapagkat ayaw ko na ng gulo pa. Kapag pinatulan ko pa ang mga tingin nito ay panigurado, hindi lang iyon ang kaniyang gagawin sa akin. Malamang ay papatayin na talaga ako no'n. Pumasok nga ako sa paaralan na ito para lumayo sa kapahamakan pero mukhang may iba yatang papatay sa akin. Malalim na buntong hininga ang aking pinakawalan bago pipikit na sana ulit nang bigla na lang may nagsalita sa aking isipan.
"Hanggang doon na lang ang iyong pag-eensayo ngayong araw, Kori," tinignan ko si Elfrida at tatanungin sana kung siya ba 'yong nagsasalita pero nakapikit na ito at seryosong nag-eensayo. Labis naman ang aking pagtataka habang inilibot ko ang aking paningin. Nakita ko ang aming guro na nakatingin sa gaw ko. Siya ba ang nagsabi sa akin tungko
