Oo nga at ilang beses na niya sinabi sa akin ang tungkol sa bagay na iyon. Hanggang ngayon ay parang ang hirap pa rin pagkatiwalaan iyong sinabi niya. Alam ko at ramdam ko kung gaano kalakas ang mga guro rito sa paaralan. Hindi ko rin alam kung gaano pa kalakas ang mga ito sapagkat hindi ko pa naman sila nakikitang nakipaglabanan sa iba. Lagi lamang silang nagtuturo dito sa paaralan at hindi man lang nag-aabalang ilabas ang totoo nilang kakayahan. Lalong-lalo na itong si Ariane, sobrang lakas ng kaniyang kapangyarihan at hindi ko alam kung hanggang saan ang kaniyang limitasyon. Wala nga akong alam kung anong antas na ang mayroon siya. Isa pa, nandito rin si Yizun na pinuno ng paaralan. Panigurado ay hindi biro ang kakayahan niya, tapos sasabihin niya lang na kapag tumaas na ang aking antas
