┈┈┈┈◦•✩•◦┈┈┈┈
Hindi nakatulog si Phoebe, kahit na anong pilit niyang ipikit ang kanyang mga mata ay hindi niya magawang makatulog. Punong-puno ng takot ang kanyang puso at isipan dahil sa binitawang salita ng lolo nila Rouge.
"No, Rouge... alam ko na hindi mo gagawin sa akin 'yan at sa pamilya ko. Alam ko na mahal mo pa rin ako at hindi mo ako hahayaang maghirap. Alam ko na hindi mo kayang makita na nahihirapan ako at ang pamilya ko." Bulong ni Phoebe sa kanyang sarili. Hindi pa rin niya makalimutan ang nangyari kahapon sa mall. Alam niya na kapag ang lolo nila Rouge ang nagsalita, siguradong mangyayari ang mga sinabi nito sa kanya. Ngayon ay matinding takot ang nararamdaman niya para sa kanyang pamilya. Isinuot niya ang mga mamahalin niyang alahas, makakatulong ito kung sakali man na t
