Isang senyas lang ang ginawa ni Valentin kay Kuya Sam nang dumaan kami sa cubicle niya kasama ang babaeng naging instant ka-date niya. Tumango naman ito nang ituro ako ni Valentin. Siguro ay inakala niyang ihahatid lang ako ni Valentin sa suite ko dahil lasing na ako. Hindi ko na kinontra iyon. It's now or never bago pa man magbago ang isipan ko.
Hinayaan ko lang si Valentin na alalayan ako. Aaminin kong nahihilo rin talaga ako sa mga alak na ininom ko kanina. Ganon pala kapag super broken-hearted ang tao. Hindi naman parang tumatamis yung mapait na lasa ng alak. Instead, mas nakakaya nating lunukin iyon dahil nasa isipan natin na mababawasan niyon ang sakit sa puso natin.
Nang makarating na kami sa floor kung nasaan ang mga kuwarto namin, nakahawak na si Valentin sa kamay ko. Papisil-
