Ala una ng madaling-araw nang pumasok ang sasakyan ko sa isa sa mga hotel sa lungsod kasunod ang kotse ni Sonny. Kasama na namin ang mga binatang inorder namin kanina. Chester ang pangalan ng kasama ko sa sasakyan. Masayahin siya at madaldal at palaging kinukuha ang atensiyon ko kanina na kabaliktaran ni Patrick sa tuwing ito ang kasama ko.
Kilala ako ni Chester at laking gulat niya nang makita ako kanina. Hindi raw niya akalain na kukuha ako ng isang lalaki para mai-table at makasama buong magdamaag. Si Sonny na ang nagsabi kanina ng dahilan kung bakit lalaki ang napili naming ilabas sa gabing iyon. Nangako naman si Chester at ang binatang napunta kay Sonny na dadalhin nila hanggang sa hukay ang anumang magaganap ngayong gabi.
Tahimik lang ako habang nagkukuwento si Chester kanina. A
