"I-Ikaw ang utak ng kaguluhan sa Spirit World, sa Fantazija at sa mundo ng mga tao?" Hindi makapaniwalang tanong ni Duncan.
Ngumisi si Erika. "Mahirap bang paniwalaan? Na ang dating mahinhin, mabait, at may busilak na puso ay naging kasing sama na katulad ng kaharap mo?"
Nagliwanag ang mga mata ni Duncan. Sinusuri ang kaharap. Inihanda ang sandata. "Hindi ikaw si Erika. Huwag kang magtago sa katawan niya. Lumabas ka."
Humalakhak ng pagkalakas-lakas ang kaharap na nilalang. "Matalino ka talaga, Lord Duncan. Hindi nakapagtatakang ikaw ang napiling pinuno sa Spirit World. Hindi kagaya ni Pantheon na napakadaling bilugin ang ulo." May itim na usok na lumabas mula sa katawan ni Erika. Nagporma ito ng napakalaking hugis babae ang kalahati ng katawan hanggang baywang at hugis ahas sa baba, lum
