Umatras sina Rapier at Pantheon dahil alam na nila ang balak ni Adder. Nagpakawala ito ng makamandag na energy. Mabilis pa sa kidlat na sumulpot si Lexi sa bungad saka iniharang ang kanang kamay. Nagpalabas siya ng protective barrier para sanggahin ang poison ni Adder. Hindi sila tinamaan, pero tinamaan ang limang spirits na kasamahan nitong nasa likod, bumagsak sila at naglaho.
"Sino ka? Bakit kaya mong sanggahin ang kapangyarihan ko?" Tinitigan ni Adder si Lexi, may paghangang tiningnan ang kagandahang nasa harap niya. Saka napansin ang kakaibang mga pakpak nito. "Hindi ka guardian. Iba ka sa kanila."
"Hindi na mahalaga kung sino ako. Narito ang kapartner mo kaya ka namin pinasundo." Hindi inaalis ni Lexi ang barrier, nilingon niya ang kanyang ina. "Naroon siya sa katawan ng babaeng na
