ELLY
"Jin! Nakita mo ba si Liam? Kanina ko pa siya hinahanap sa party, si Tita kasi pinapatawag na siya. Nandiyan na 'yong mga batchmates ng college, e. Layas na talaga palagi ang isang 'yon kaasar!" hindi ko maiwasang sumama ang loob nang makausap ko si Jin na kararating lang galing sa stock room ng beverages para sa party. Ilang minuto na ba ako paikot-ikot dito para hanapin ang asawa kong ‘yon? Argh! Naiistress ako.
"Relax ka nga lang! Maupo ka na muna at ako na maghahanap sa kaniya." sagot ni Jin at pinag-usod pa ako ng upuan. Dahil sumasakit na rin ang ulo ko ay sumang-ayon na lamang ako sa suhestiyon niya, ngunit agad ding tumutol nang marealize kong gitnang-gitna ang pwesto kong ito ngayon. Center table ito kaharap ang stage na pina set-up talaga ngayon para sa mga local bands na
