ELLY
Dahil sa excitement sa sistema ko ay mabilis lamang lumipas ang mga oras, parang hindi ko na nga namalayang lumubog na ulit ang araw ngayon dito sa isla. Nang matapos kong paliguan si Lily ay agad ko na siyang sinabihan na may pupuntahan kami ngayong gabi, ang usapan namin ni Liam ay alas sais ng gabi ay pwede na kaming magtungo sa sinasabi niyang secret garden sa gitna ng gubat.
Nakatatawa man ito pakinggan habang pinapaliwanag niya sa akin kagabi ang lugar ay masasabi kong maganda nga roon. Mukhang pinaghandaan niya ang oras na ito kaya hinanda ko rin ang anak ko. Sinuotan ko siya ng maganda niyang bestida at inayos ang buhok niya na magmumukha siyang prinsesa, nagtataka man siya kung bakit ko siya inaayusan ngayon ay nagdadahilan na lamang ako. Gusto kong maalala namin ang mga sa
