NAYA MALIA
Pinayagan ako ni Fabian na makausap si Warren at papuntahin itong personal dito sa bahay dahil may importante raw itong sasabihin sa akin, tungkol sa property na nakapangalan sa akin sa Russia.
Bahay na isang buwan ko lang halos natirhan dahil ang akala ko nga ay doon na ako maglalagi, ang mahal pa man din ng bahay at lupa roon kaya hiyang-hiya ako kay Vicente.
"Anong balak mo roon?" tanong nito habang si Fabian nasa tabi ko hindi talaga umaalis, ayaw kami bigyan ng privacy ng kaibigan niya na mapag-isa.
Sobrang seloso.
"Ibenta... at ibalik kay..." Nilingon ko si Fabian na tinaasan ako ng isang kilay.
Hindi ko alam kung matatawa ba ako pero nanatili na lang akong seryoso.
"Vicente ang mapagbebentahan ng bahay at lupa dahil sa kanya namang pera iyon," saad ko kay Warren na
